Sigal Prishtina ka shënuar fitoren e tretë radhazi në ENBL, duke e mposhtur Slovan Bratislavan në udhëtim me rezultat 78-73.

Çerekun e parë Prishtina e fitoi 15-22, derisa pjesa e parë u mbyll 32-39 në të mirë të skuadrës kosovare, shkruan Arbresh.info.

Sllovaket u munduan të rikthehen në periudhën e tretë ku bën lojë më të mirë, por në fund Prishtina tregoi forcë dhe karakter dhe ia doli të fitoj me pesë pikë diferencë.

Më i dalluari në fitoren e kryeqytetasve ishte Burns me 24 pikë e gjashtë asistime, derisa lojë të mirë bëri edhe Bailey i cili shtoi 19 pikë, shtatë kërcime e tetë asistime.

Për sllovakët më i dalluari ishte Medford me 21 pikë, shtatë kërcime e tetë asistime.

Prishtina kryeson grupin me gjashtë pikë në tri ndeshje. Ndeshjen e radhës bardhekaltrit e luajnë ndaj Dinamo Zagrebit në kryeqyetet./Arbresh.info